मोशी येथे पुणे आंतरराष्ट्रीय प्रदर्शन व कन्व्हेशन केंद्र उभारण्यात येणार आहे. या महत्त्वाकांक्षी प्रकल्पासाठी सुमारे ९७५ कोटी रुपये खर्च करण्यात येणार आहेत. डेट्राईट ऑफ इस्ट अशी ओळख असलेल्या पुणे-पिंपरी चिंचवडमध्ये भव्य प्रदर्शन केंद्राची अत्यंत गरज होती. या प्रदर्शन केंद्राच्या निमित्ताने उद्योगजगताकडून होणाऱ्या मागणीला आता मूर्त स्वरुप मिळाले आहे.

विशेष म्हणजे, या महत्त्वाकांक्षी प्रकल्पासाठी डिसेंबर २०१४ पर्यंत ५३.९ कोटी रूपये प्राधिकरण प्रशासनाने खर्च केले आहेत. तसेच, सन २०१५-१६ साठी प्राधिकरणाकडून ४६.९१ कोटी रुपयांची तरतूद करण्यात येणार आहे. त्यामुळे उर्वरित ८७५ कोटी रुपयांच्या तरतूदीसाठी राज्य शासनाने सकारात्मक भूमिका घेतली आहे.