भोसरी मतदार संघातील नागरिकांना तणावमुक्त जीवन जगता यावे. यासाठी ठिकठिकाणी उद्यान विकसित करावे, अशी आमची संकल्पना आहे. त्यामुळे भोसरी व्हीजन-२०२० उपक्रमांतर्गत आम्ही उद्यान विकास आणि पायाभूत सोयी-सुविधा यावर भर दिला आहे. त्याची सुरूवात इंद्रायणीनगरमधून करण्यात आली. सध्या मतदार संघात एकूण ७ ठिकाणी उद्यानाचे काम होणार आहे. त्यापैकी १ उद्यानांचे काम पूर्ण झाले आहे. अन्य ६ उद्यानांचे काम प्रगतीपथावर आहे. भविष्यात ही सर्व उद्याने ऑक्सिजन पार्क आणि नागरिकांसाठी विरंगुळा केंद्र म्हणून ओळखली जातील, असे आमचे व्हीजन आहे.