जुना पुणे-मुंबई महामार्गावरील अत्यंत मोक्याचे आणि शहराचे प्रवेशद्वार म्हणून ओळखल्या जाणाऱ्या भक्‍ती-शक्‍ती चौकात वाहतूक समस्या जटील बनली होती. त्यावर तोडगा काढण्यासाठी नावीन्यपूर्ण रोटरी पुलाचे नियोजन केले आहे. भक्ती शक्ती चौक निगडी येथील ग्रेड सेपरेटर व उड्डाणपूल साकारण्यात येणार आहे. पुणे मुंबई रस्त्यावरील बेशिस्त वाहतुकीमुळे अनेक अपघात घडले आहेत. त्यामुळे या चौकातील वाहतुकीचे सक्षमीकरण करण्यासाठी आम्ही पुढाकार घेतला आहे.

भक्ती-शक्ती ते मुकाई चौक हा ४५ मी. रूंद बीआरटीएस रस्ता विकसीत करणेत येत आहे. तसेच, राष्ट्रीय  महामार्गातर्फे देहू रोड ते निगडी या राष्ट्रीय हमरस्त्याचे रुदीकरणाचे काम लवकरच चालू करणेत येणार आहे. भक्ती-शक्ती चौकामध्ये बीआरटीएसचे टर्मिनल बांधणेचे काम पूर्ण झाले आहे. वर्षाअखेरीस निगडी-दापोडी बीआरटीएस बस सेवा चालू झाली आहे.