समाविष्ट गावांमधील “चऱ्होली” हे गाव विकासासाठी एक मॉडेल बनले आहे. चऱ्होली गेली २२ वर्षांपासून महापालिकेत आहे. मात्र, गावामध्ये विकास आराखड्यातील रस्ते झालेले नव्हते आणि मूलभूत सोई-सुविधाही नव्हत्या. समाविष्ट गावांपैकी चऱ्होली म्हणजे आसपास तब्बल बारा वाड्या-वस्त्यांचा हा परिसर. शेतकऱ्यांचा भाग अशीच ओळख होती.

भोसरी मतदार संघातील चऱ्होली, मोशी, चिखली, तळवडे, दिघी ही गावे पालिकेत समाविष्ठ होउन तब्बल दोन दशके उलटली होती. समाविष्ठ भागाने आजवर प्रामाणिकपणे केवळ कर भरण्याचे काम केले. जेवढ्या प्रमाणात कर भरला तेवढ्या प्रमाणात निधी उपलब्ध न झाल्यामुळे या भागाचा विकास झाला नाही. त्यामुळे “भोसरी व्हीजन-२०२०’च्या माध्यमातून आम्ही समाविष्ट गावांच्या विकासासाठी कायम प्रयत्नशील राहणार आहोत.