तरुण घडले, तर देश घडणार आहे…या संकल्पनेतून तरुणांना मार्गदर्शन व रोजगार उपलब्ध करुन देण्याच्या उद्देशाने या अँकॅडमीची सुरूवात करण्यात आली आहे. अकॅडमीच्या माध्यमातून पोलीस आणि सैनिक भरती मार्गदर्शन, भरतीसाठी लागणारी कागदपत्रे, शारीरिक तपासणी व अभ्यासक्रम याबद्दल तरुणांना माहिती दिली जाते. शासकीय सुरक्षा रक्षक प्रशिक्षण उपक्रमाच्या माध्यमातून अकॅडमीने अनेक मुलांना नोकरी उपलब्ध करुन देण्यासाठी प्रयत्न केले आहेत. विशेष म्हणजे, महेशदादा व्हीजन अकॅडमी ही शासनमान्य संस्था असून, बहुउद्देशीय व राष्ट्रीय कंपन्यांमध्ये सुरक्षा अधिकारी, सुरक्षा रक्षक म्हणून युवकांना प्रशिक्षण देऊन संधी उपलब्ध करुन देत आहे. या माध्यमातून भरती झालेल्या युवकांना किमान १३ हजार रुपये ते कमाल ३० हजार रुपयांपर्यंत वेतनाची नोकरी उपलब्ध होत आहे. या उपक्रमाच्या माध्यमातून पुणे, पिंपरी-चिंचवड आणि परिसरातील सुमारे २५०० मुला-मुलींना नोकरीची संधी मिळाली आहे. सायबर क्राइम, इंटरनेटची खबरदारीबाबत जनजागृती करण्यात येते. तसेच, अँकॅडमीच्या माध्यमातून शाळा, कॉलेज व महाविद्यालयीन विद्यार्थ्यांना आपत्कालीन परिस्थितीत बचावात्मक प्रशिक्षण देण्यात येते. विशेष म्हणजे, भारतीय वायू सेना आणि अकॅडमीच्या माध्यमातून पुणे जिल्ह्यात प्रथमच भोसरीमध्ये वायू सेना भरती कॅम्प घेण्यात आला होता. या कॅम्पमध्ये तब्बल ८ हजाराहून अधिक मुलांनी सहभाग घेतला होता. त्यापैकी १९० मुलांना वायु सेनेत भरती होण्याची संधी मिळाली आहे.