पिंपरी-चिंचवडमधील पर्यावरण सक्षमीकरणाच्या दृष्टीने महत्त्वाकांक्षी असलेल्या इंद्रायणी नदी सुधार प्रकल्पास माजी पंतप्रधान स्व. अटलबिहारी वाजपेयी यांचे नाव देण्याची भूमिका आम्ही घेतली. भारतीय जनता पक्षाचे ज्येष्ठ नेते आणि माजी पंतप्रधान स्व. अटलबिहारी वाजपेयी यांचे दि.१६ ऑगस्ट २०१८ रोजी निधन झाले. त्यावेळी देशाच्या राजकारणातील “भारतरत्न” हरवल्याची भावना सर्वस्तरातून व्यक्त होत होती. आम्ही देहू-आळंदी इंद्रायणी नदीसुधार प्रकल्पाला स्व. अटलबिहारी वाजपेयी यांचे नाव देण्याचा निर्णय घेतला. त्यामुळे पिंपरी-चिंचवड परिसरात अटलजींचे नाव अजरामर राहील, असा आमचा मनोदय आहे.